விண்ணைத் தாண்டி வருவாயா - விமர்சனம்

சனிக்கிழமை இரவு என்றதும் Saturday Night Party/Discotheque தானே எங்களுக்கு ஞாபகம் வரும்?

இது கொஞ்சம் வேறு மாதிரி..

இன்று குரல் பரீட்சைக்காக இளைஞன் ஒருவர் வந்திருந்தார். வழமை போல பழைய செய்திகள் அடங்கிய தாள்களையும், விளம்பர பிரதி ஒன்றையும் கொடுத்து ஆயத்தப்படுத்துமாறு கொடுத்திருந்தோம்..(ஒழுங்காக இதைத் தாண்டினால் அடுத்த பரீட்சை என்பதே எங்கள் வழமையான நடைமுறை)

வந்தார். வாசிக்க ஆரம்பித்தார்..

செய்திகல் என்று செய்தியில் கல்லைப் போடும்போதே எனக்குத் தெரிந்துவிட்டது இவர் தேற மாட்டார் என்று..

எனினும் பெரிதா வேலையில்லாததால் கொஞ்சம் வேடிக்கை பார்க்கலாம் என்று விமல் ஒலிப்பதிவு செய்கிற நேரம் கூடவே இருந்தேன்.

தலைப்பு செய்திகல்..

இலங்கை ஜனாதிபதி இன்று இந்தியப் பிரதமர் மன்மோகன் சிங்கை சந்தித்துக் கலந்தாடல்..

எனக்கு தூக்கி வாரிப் போட்டது.. விமல் சிரித்தே விட்டார்..

சரி விரிவான செய்திகளிலாவது திருத்திக் கொள்வார் என்று பார்த்தால்

ம்கூம்..

கலந்தாடினர்.. இந்தக் கலந்தாடலில்.. என்றே தொடர்ந்தது..

எல்லாவற்றிலும் கொடுமை..

நாளை காங்கிரஸ் தலைவி சோனியா காந்தியை சந்தித்துக் கலந்தாட இருக்கிறார்..

தாங்க முடியவில்லை.. ஒலிப்பதிவுக் கூடத்தை விட்டு வெளியே ஓடி வந்துவிட்டேன்..

செய்திப் பிரதியில் தான் பிழையோ என்று பின்னர் பார்த்தால் அதில் கலந்துரையாடல் என்று சரியாகவே இருந்தது..

குசும்பான ஒரு கேள்வியும் கற்பனையும் மனதில் விரிந்தது..

அப்படி ஆடி இருந்தால் என்ன டான்ஸ் ஆடி இருப்பார்கள்? ;)

பி.கு - ஐயா சாமிகளா இது வேறு வேடிக்கை சம்பவம் ஒன்று.. வந்து அரசியல் டின் கட்டி என் டப்பா டான்ஸ் ஆட வச்சிடாதீங்க..